स्वास्थ्य मन्त्रालयले भोलिदेखि हरेक शुक्रबार स्वास्थ्य गतिविधिबारे नियमित साप्ताहिक भिडियो ब्रिफिङ गर्ने

नेपाल हेल्थ न्युज, काठमाडौं । स्वास्थ्य तथा जनसंख्या मन्त्रालयले फागुन ९ गतेदेखि हरेक शुक्रबार १.३० बजे स्वास्थ्य गतिविधिबारे नियमित साप्ताहिक भिडियो ब्रिफिङ गर्ने भएको छ ।

सो भिडियो ब्रिफिङमा साताभर मन्त्रालयबाट भएका नीतिगत परिवर्तनका निर्णय, गतिविधि तथा स्वास्थ्य क्षेत्रका जानकारी समेटिने छ ।

स्वास्थ्य तथा जनसंख्या मन्त्री प्रदीप पौडेलले मन्त्रालय तथा स्वास्थ्य सम्बन्धी गतिविधि र सूचना नागरिकले बढी भन्दा बढी थाहा पाउने व्यवस्था मिलाउन निर्देशन दिनुभएको थियो ।