नवनियुक्त स्वास्थ्य सचिव डा. विकास देवकोटाद्धारा पदबहाली

नेपाल हेल्थ न्युज, काठमाडौँ । स्वास्थ्य तथा जनसंख्या मन्त्रालयको नवनियुक्त सचिव डा. विकास देवकोटाले पदबहाली गर्नुभएको छ । उहाँले बिहिबार दिउँसो पदभार ग्रहण गर्नुभएको हो ।

बुधबार बसेको मन्त्रिपरिषदको बैठकले डा. देवकोटालाई सचिवमा नियुक्त गर्ने निर्णय गरेको थियो। डा. देवकोटा २०५३ सालमा मेडिकल अधिकृतका रुपमा स्वास्थ्य सेवामा प्रवेश गर्नुभएको थियो ।

डा.देवकोटाले स्वास्थ्य मन्त्रालय विभिन्न महाशाखा प्रमुख र मन्त्रालयको प्रवक्ताको भूमिका निर्वाह समेत गरिसक्नुभएको छ ।

यस्तै उहाँसँग लुम्बिनी प्रदेशको स्वास्थ्य सचिवको अनुभव पनि छ ।