वरिष्ठ कलेजो रोग विशेषज्ञ डा. दीलिप शर्मा वीर अस्पतालको कार्यकारी निर्देशकमा नियुक्त

नेपाल हेल्थ न्युज, काठमाडौँ । चिकित्सा विज्ञान राष्ट्रिय प्रतिष्ठान (न्याम्स) वीर अस्पतालको कार्यकारी निर्देशकमा डा. दीलिप शर्मा नियुक्त हुनुभएको छ ।

प्रतिष्ठानका सहकुलपति समेत रहनुभएका स्वास्थ्य मन्त्री प्रदीप पौडेलले डा. शर्मालाई दुई वर्षका लागि वीर अस्पतालको निर्देशकमा नियुक्त गर्नुभएको हो । डा. शर्माले आज निर्देशकको पत्र बुझ्नुहुने बताइएको छ ।

डा. शर्मा वीर अस्पतालमै कार्यरत वरिष्ठ कलेजो रोग विशेषज्ञ हुनुहुन्छ । उहाँले यसअघि चिकित्सा शिक्षा आयोगको निर्देशक र नेपाल मेडिकल काउन्सिलको रजिष्ट्रार भएर काम गरिसक्नुभएको छ।