राष्ट्रिय सभाबाट ‘तिलगङ्गा नेत्र विश्वविद्यालय विधेयक २०८१’ पारित

नेपाल हेल्थ न्युज, काठमाडौँ । राष्ट्रिय सभाले तिलगंगा नेत्र विश्वविद्यालय विधेयक पारित गरेको छ ।

शिक्षा, विज्ञान तथा प्रविधिमन्त्री विद्या भट्टराईले प्रस्तुत गर्नुभएको ‘तिलगङ्गा नेत्र विश्वविद्यालय विधेयक, २०८१ पारित गरयोस्’ भन्ने प्रस्तावलाई सभाको बैठकले सर्वसम्मतिले पारित गरेको हो।

नेपालमा उच्च शिक्षामा चिकित्सा शिक्षातर्फ नेत्र (आँखा) स्वास्थ्यको विधामा गुणस्तरीय शिक्षा तथा नेत्र स्वास्थ्य सेवाको पहुँच विस्तार गर्नुपर्ने भएकाले तिलगङ्गा नेत्र विश्वविद्यालय विधेयक ल्याइएको मन्त्री भट्टराईले जानकारी दिनुभयो ।

उहाँले आँखा स्वास्थ्य सेवाको क्षेत्रमा उत्कृष्ट प्राज्ञिक केन्द्रको रुपमा सार्वजनिक विश्वविद्यालय स्थापना गर्न आवश्यक रहेको समेत बताउनुभयो ।