पीजी भर्नाको प्राथमिकता निर्धारण प्रक्रिया पुनः सुरु

नेपाल हेल्थ न्युज, काठमाडौं। चिकित्सा शिक्षा आयोगले स्नातकोत्तर तह (पीजी) खुला समूहका लागि शिक्षण संस्था तथा शैक्षिक कार्यक्रमको अनलाइन प्राथमिकता निर्धारण प्रक्रिया पुनः सुरु गरेको छ।

पूर्वनिर्धारित कार्यतालिका स्थगित भएपछि आयोगले जेठ १२ गते साँझ ७ बजेदेखि जेठ १८ गते अपराह्न ५ बजेसम्मका लागि नयाँ समय दिएको हो।

योग्य उम्मेदवारहरूले आयोगको वेबसाइटमा लगइन गरी प्राथमिकता निर्धारण वा सम्पादन गर्न सक्नेछन्। आयोगले सावधानीपूर्वक छनोट गरी तोकिएको समयभित्र प्राथमिकता सुरक्षित गर्न सबैलाई अनुरोध गरेको छ।