नेपाल स्वास्थ्य व्यवसायी परिषद्ले नाम दर्ता परीक्षाको मिति तोक्यो

नेपाल हेल्थ न्युज, काठमाडौं ।  नेपाल स्वास्थ्य व्यवसायी परिषद्ले स्थगनमा परेको १५औँ नाम दर्ता प्रमाणपत्र परीक्षाको नयाँ मिति सार्वजनिक गरेको छ।

परिषद्का अनुसार परीक्षा अब आउने असोज २३ र २४ गते सञ्चालन हुने भएको छ।

यसअघि परीक्षा भाद्र २५ र २६ गतेका लागि तोकिएको थियो, तर जेनजी आन्दोलनका कारण अनिश्चितकालका लागि स्थगित गरिएको थियो।

परीक्षासम्बन्धी सबै जानकारीका लागि परिषद्ले परीक्षार्थीहरूलाई आफ्नो आधिकारिक वेबसाइट र फेसबुक पेज नियमित रूपमा हेर्न अनुरोध गरेको छ।