अब टिचिङमा डाक्टरले जेनेरिक औषधि ‘ठूला अक्षरमा’लेख्नैपर्ने 

नेपाल हेल्थ न्युज, काठमाडौँ । त्रिभुवन विश्वविद्यालय शिक्षण अस्पताल (टिचिङ) महाराजगञ्जले अब आफ्ना चिकित्सकलाई बिरामीका लागि जेनेरिक औषधि ठूला (क्यापिटल) अक्षरमा लेख्न अनिवार्य गरेको छ ।

 कारण ?

• डाक्टरको हतारमा लेखिएको अस्पष्ट प्रिस्क्रिप्सन 
• फार्मेसीमा औषधि चिन्ने झन्झट 
• र बिरामीले गलत औषधि पाउने जोखिम 

अस्पतालका कार्यकारी निर्देशक प्रा.डा.सुवासप्रसाद आचार्य भन्नुहुन्छ–

'अबदेखि सबै डाक्टरले क्यापिटल लेटरमा औषधि लेख्नुपर्नेछ। यसले फार्मेसीलाई सहज हुन्छ र बिरामीलाई सही औषधि पक्का मिल्नेछ।'

प्रा.डा. आचार्यका अनुसार, यसले डाक्टरलाई अलिक बढी समय लागे पनि, स्वास्थ्य सुरक्षामा ठूलो फाइदा हुने अपेक्षा गरिएको छ ।

 टिचिङ अस्पतालमा हरेक दिन—

•  २,५००–३,००० बिरामी ओपिडीमा
• १५० भन्दा बढी आकस्मिक कक्षमा उपचारका लागि पुग्ने गर्छन्।

अस्पतालले नेपाल सरकार र डीन कार्यालयको निर्देशन अनुसार यो नियम लागू गरेको हो ।

• अब हतारमा लेखिएको 'नबुझिने प्रिस्क्रिप्सन' को अन्त्य 
• बिरामीले स्पष्ट पढ्न सक्ने, फार्मेसीले सही औषधि दिन सक्ने