जेन-जी आन्दोलनका घाइतेहरूको वर्गीकरण सुरु

नेपाल हेल्थ न्युज, काठमाडौं । स्वास्थ्य तथा जनसंख्या मन्त्रालयले जेन-जी युवाहरुको नेतृत्वमा भएको प्रदर्शनमा घाइते भएका व्यक्तिहरुको वर्गीकरणका लागि मापदण्ड निर्माणको प्रक्रिया शुरु गरेको छ।

मन्त्रालयका अनुसार, यस विषयमा प्राविधिक समितिको बैठकले मापदण्ड निर्धारणको काम प्रारम्भ गरेको हो।

गत शुक्रबार र आज सोमबार भएको बैठकमा समितिले घाइतेहरुको वर्गीकरणका लागि प्राथमिक कार्य सुरु गरेको जानकारी प्राप्त भएको छ। मन्त्रालयले उपचारमा संलग्न अस्पतालहरुलाई यो कार्यमा सहयोग पुर्याउन आग्रह गरेको छ।