स्वास्थ्य संस्थामा अधिकृतस्तरका २५६ अस्थायी दरबन्दी स्वीकृत

नेपाल हेल्थ न्युज, काठमाडौं । सरकारले स्वास्थ्य तथा जनसङ्ख्या मन्त्रालय मातहतका विभिन्न अस्पताल र निकायहरूमा अधिकृतस्तरका २५६ अस्थायी दरबन्दी स्वीकृत गरेको छ।

सोमबार बसेको मन्त्रिपरिषद् बैठकले आर्थिक वर्ष २०८२/८३ का लागि स्वास्थ्य बीमा बोर्ड काठमाडौं, गेटा अस्पताल धनगढी (कैलाली), सुशील कोइराला प्रखर क्यान्सर अस्पताल खजुरा (बाँके), डडेल्धुरा अस्पताल (डडेल्धुरा) र कान्ति बाल अस्पताल (काठमाडौं) मा आवश्यक दरबन्दी स्वीकृत गर्ने निर्णय गरेको हो।

सरकारका प्रवक्ता तथा सूचना तथा सञ्चार प्रविधिमन्त्री जगदीश खरेलका अनुसार यो निर्णय स्वास्थ्य सेवाको पहुँच र गुणस्तर सुधार गर्ने उद्देश्यले गरिएको हो। उनका अनुसार अस्थायी दरबन्दीले ती अस्पतालहरूमा जनशक्ति अभाव न्यूनीकरण गर्न सहयोग पुर्‍याउनेछ।