डा. विश्वराज दवाडीद्धारा एनएमए अध्यक्षमा उम्मेदवारी घोषणा: ‘सुरक्षा–स्वाभिमान–गुणस्तर’ मुख्य एजेन्डा

काठमाडौं। नेपाल चिकित्सक संघ (एनएमए) को नयाँ नेतृत्वका लागि डा. विश्वराज दवाडीले सोमबार अध्यक्ष पदमा उम्मेदवारी घोषणा गर्दै चिकित्सकहरूको सुरक्षा, पेसागत स्वाभिमान र स्वास्थ्य सेवाको गुणस्तरलाई आफ्नो मुख्य एजेन्डा बनाउनुभएको छ । । 

उहाँले पछिल्ला वर्षहरूमा चिकित्सकमाथि बढ्दै गएको हिंसा, पेसामा कमजोरी आएको विश्वास र ब्रेन ड्रेन  जस्ता चुनौतीले स्वास्थ्य प्रणाली नै जोखिममा परेको बताउनुभयो। 'एनएमए अब केवल दर्ता वा भेला गर्ने संस्था होइन, स्वास्थ्य प्रणालीको मेरुदण्ड हो'-डा. दवाडीले भन्नुभयो । 

डा. दवाडीले सार्वजनिक गर्नुभएको एजेन्डामा जिरो टोलरेन्स अन भाइलेन्स, अनिवार्य मेडिकल क्षतिपूर्ति बीमा, पारिश्रमिक एकरूपता, नीति निर्माणमा एनएमएको अनिवार्य सहभागिता, डिजिटल एनएमए  र युवा तथा श्रमजीवी चिकित्सकको सम्मान जस्ता विषयलाई प्राथमिकतामा राख्ने बताउनुभयो ।

उहाँ भन्नुहुन्छ— 'अब ‘यत्तिकै चल्छ’ भन्ने सोच बदल्ने बेला आएको छ। सुरक्षित, सम्मानित र गुणस्तरीय स्वास्थ्य सेवाका लागि एनएमए सशक्त भूमिकामा जानुपर्छ।'