२४ घण्टामा थप दुई जनामा स्क्रब टाइफस पुष्टि

नेपाल हेल्थ न्युज, चितवन । चितवनमा पछिल्लो २४ घण्टाभित्र स्क्रब टाइफसका थप दुई संक्रमित फेला परेका छन्। जनस्वास्थ्य कार्यालय चितवनका अनुसार दुवै संक्रमित खैरहनी नगरपालिकाका हुन्।

यहीसँगै जिल्लाभर पुष्टि भएका स्क्रब टाइफस संक्रमितहरूको संख्या ४ सय ३५ पुगेको छ। 

अहिलेसम्म ६ हजार ३ सय ४३ जनामा गरिएको परीक्षणमध्ये ४ सय ३५ जनामा संक्रमण भेटिएको जनाइएको छ। स्थानीय तह अनुसार भरतपुर महानगरपालिकामा ३०, खैरहनीमा ७८, माडीमा ५, रत्ननगरमा १ सय ३१, राप्तीमा ४६, कालिकामा ३७ र इच्छाकामना गाउँपालिकामा ७ जना संक्रमित पहिचान भएका छन्।

स्वास्थ्य कार्यालयले संक्रमण दर बढिरहेको भन्दै सावधानी अपनाउन र लक्षण देखिएमा तुरुन्तै स्वास्थ्य संस्थामा सम्पर्क गर्न आग्रह गरेको छ।