बीपी कोइराला क्यान्सर अस्पताललाई चीनबाट सवारीसाधन सहयोग

नेपाल हेल्थ न्युज, काठमाडौं। चिनियाँ दूतावासले चितवनको भरतपुरमा रहेको बीपी कोइराला मेमोरियल क्यान्सर अस्पताललाई विद्युतीय सवारीसाधन सहयोगस्वरूप उपलब्ध गराएको छ ।

अस्पताल परिसरमा मंगलबार आयोजित कार्यक्रममा चीनमा उत्पादन गरिएको एक थान विद्युतीय सवारीसाधन दूतावासका प्रतिनिधिबाट अस्पताल व्यवस्थापनलाई हस्तान्तरण गरिएको हो । दूतावासका अनुसार उक्त सहयोग ‘सुखी समुदाय’ कार्यक्रमअन्तर्गत प्रदान गरिएको हो ।

कार्यक्रममा बोल्दै चिनियाँ राजदूत छन सङले यस सहयोगले अस्पतालको दैनिक सेवा सञ्चालन र स्वास्थ्य सेवाको गुणस्तर अभिवृद्धिमा टेवा पुग्ने विश्वास व्यक्त गर्नुभयो । साथै उहाँले भविष्यमा पनि नेपाललाई आवश्यक सहयोग गर्न चीन सधैं तयार रहेको उल्लेख गर्नुभयो ।