नेपाल मेडिकल काउन्सिलको उपत्यका बाहिरको निर्वाचनमा ६ हजार ८४६ मत खस्यो

नेपाल हेल्थ न्युज, काठमाडौं । उपत्यका बाहिरको नेपाल मेडिकल काउन्सिलको निर्वाचनमा कुल ६ हजार ८४६ मत खसेको छ। यस निर्वाचनमा १ उपाध्यक्ष र ८ सदस्यको लागि मतदान भएको हो, जुन पुस ४ र ५ गते सम्पन्न भएको थियो।

काउन्सिलका रजिस्टार डा. सतिश देवका अनुसार सबैभन्दा बढी मत भरतपुर अस्पतालको मतदान केन्द्रमा खसेको थियो। त्यहाँ मात्रै ९ सय ६६ मत दर्ता भएका थिए।

यस निर्वाचनका लागि २१ मतदान केन्द्र तोकिएको थियो। काठमाडौंमा हुने निर्वाचन पुस ११ र १२ गते हुने तालिका तय गरिएको छ।

कहाँ कति मत खस्यो ?

• पोखरा स्वास्थ्य विज्ञान प्रतिष्ठान – ८०० 
• हेटौंडा हस्पिटल – १३९ 
• लहान हस्पिटल  –१३० 
• बिपी कोइराला स्वास्थ्य विज्ञान प्रतिष्ठान, धरान – ५८१ 
• गजेन्द्र नारायण सिंह अस्पताल, सप्तरी – ८७ 
• मेची प्रादेशिक अस्पताल भद्रपुर,झापा – २७५ 
• प्रादेशिक अस्पताल जनकपुर – ६१७
• नारायणी हस्पिटल, वीरगन्ज – ४९१ 
• कोशी हस्पिटल विराटनगर – ९२५
• लुम्बिनी प्रादेशिक हस्पिटल, बुटवल – ४३२
• भरतपुर हस्पिटल चितवन – ९६६
• पाल्पा हस्पिटल तानसेन –११५
• राप्ती स्वास्थ्य विज्ञान प्रतिष्ठान घोराही – १८८
• कर्णाली प्रादेशिक अस्पताल – १२३
• कर्णाली स्वास्थ्य विज्ञान प्रतिष्ठान, जुम्ला – ९२
• भीम हस्पिटल, भैरहवा – २७१
• धनगढी हस्पिटल  – २९६
• भेरी हस्पिटल नेपालगञ्ज – ३१८