झलनाथ खनालकी पत्नीको स्वास्थ्य अवस्था बुझ्न डल्लु पुगे प्रचण्ड-माधव

नेपाल हेल्थ न्युज, काठमाडौं । नेपाली कम्युनिस्ट पार्टीका संयोजक पुष्पमल दाहाल ‘प्रचण्ड’ र सहसंयोजक माधवकुमार नेपालले नेता झलनाथ खनालकी पत्नी रविलक्ष्मी चित्रकारको  स्वास्थ्य अवस्थाबारे जानकारी लिएका छन्।

चित्रकार जेनजी आन्दोलनको क्रममा भएको आगजनीमा गम्भीर घाइते भएकी थिइन्। बुधबारको भेटघाटमा नेताहरूले उनका स्वास्थ्य अवस्थाबारे जानकारी लिँदै स्वास्थ्यलाभको कामना गरेका छन्।

गत साता भारतबाट उपचार सकेर फर्किएकी चित्रकारलाई भेट्न प्रचण्ड र नेपाल डल्लुस्थित निवास पुगेका थिए। नेताहरूलाई खनालले जानकारी दिएअनुसार, चित्रकारको स्वास्थ्य अवस्था अहिले स्थिर छ र अझै उपचारको क्रममा सुधार भइरहेको छ।