राष्ट्रिय आर्थिक गणना २०८२ः ४४३९ जनशक्ति माग, युवाका लागि रोजगारीको अवसर

नेपाल हेल्थ न्युज, काठमाडौँ । सरकारले राष्ट्रिय आर्थिक गणना, २०८२ का लागि ४ हजार ४ सय ३९ जना जनशक्ति करारमा भर्ना गर्ने भएको छ ।

राष्ट्रिय तथ्याङ्क कार्यालयका अनुसार आर्थिक गणनाको स्थलगत तथ्याङ्क सङ्कलन तथा सुपरिवेक्षणका लागि ५२६ जना सुपरिवेक्षक र ३ हजार ९१३ जना गणक माग गरिएको हो ।

सुपरिवेक्षक पदका लागि न्यूनतम स्नातक तह र गणक पदका लागि कक्षा १२ ९१०ं२० वा प्रमाणपत्र तह उत्तीर्ण नेपाली नागरिकले आवेदन दिन सक्नेछन् । यो रोजगारी साढे दुई महिनाका लागि हुनेछ ।

पारिश्रमिकतर्फ सुपरिवेक्षकले मासिक ३४ हजार ७३० रुपैयाँ र गणकले ३२ हजार ९०२ रुपैयाँ पाउनेछन् । छनोट सर्टलिस्ट र अन्तर्वार्तामार्फत गरिनेछ । इच्छुकले सूचना प्रकाशित भएको २१ दिनभित्र राष्ट्रिय तथ्याङ्क कार्यालयको वेबसाइट वा क्यूआर कोडमार्फत अनलाइन आवेदन दिन सक्नेछन् ।

म्याद नाघी वा रित नपुगी आएका दरखास्त स्वीकार नहुने कार्यालयले जनाएको छ ।