दुर्गा प्रसाईं हाजिरी जमानीमा रिहा

नेपाल हेल्थ न्युज, काठमाडौं । मेडिकल व्यवसायी तथा नागरिक बचाउ महाअभियानका संयोजक दुर्गा प्रसाईं हाजिरी जमानीमा मुक्त भएका छन्।

पोखराबाट सोमबार पक्राउ परेका प्रसाईंलाई काठमाडौं ल्याइएपछि जिल्ला सरकारी वकिल कार्यालय, काठमाडौंले हाजिरी जमानीमा रिहा गर्न निर्देशन दिएको हो। सोही निर्देशनअनुसार उनलाई छाडिएको जिल्ला प्रहरी परिसर काठमाडौंका एसपी पवनकुमार भट्टराईले जानकारी दिए।

यसअघि प्रसाईंले निर्वाचन आयोगले ५२ करोड रुपैयाँ घुस लिएर नेपाली कांग्रेसको विशेष महाधिवेशन पक्षलाई वैधता दिएको आरोप सार्वजनिक रूपमा लगाएका थिए।