निर्वाचनमा खटिएका सुरक्षाकर्मीको उपचार खर्च सरकारले व्यहोर्ने

नेपाल हेल्थ न्युज

बुधबार, फागुन १३, २०८२

निर्वाचनमा खटिएका सुरक्षाकर्मीको उपचार खर्च सरकारले व्यहोर्ने

नेपाल हेल्थ न्युज, काठमाडौं । सरकारले आसन्न निर्वाचनको समयमा घाइते हुने सुरक्षाकर्मी र निर्वाचन प्रहरीको उपचार निःशुल्क गराउने निर्णय गरेको छ।

मंगलबार बसेको मन्त्रिपरिषद् बैठकमा यो निर्णय गरिएको हो, जसअनुसार उपचारमा लाग्ने सबै खर्च सरकारले व्यहोर्नेछ। सरकार प्रवक्ता तथा गृहमन्त्री ओमप्रकाश अर्यालले जानकारी दिए।

अर्यालका अनुसार, यदि निर्वाचनको क्रममा कुनै सुरक्षाकर्मीको मृत्यु भएमा, उनको परिवारलाई आर्थिक सहायता पनि प्रदान गरिनेछ। “निर्वाचन सुरक्षा र स्वास्थ्यको सुनिश्चितता हाम्रो प्राथमिकता हो,” उनले बताए।

प्रकाशित मिति: बुधबार, फागुन १३, २०८२