अनसनरत इन्टर्न डाक्टरसँग सरकारले गर्‍यो ३ बुँदे सहमति

नेपाल हेल्थ न्युज, काठमाडौं । इन्टर्न चिकित्सकको निर्वाह भत्ता बढाउने माग राखेर दोस्रो पटक अनसनरत बसेका डिल्ली हरिजन र सरकारबीच सहमति भएको छ ।

उहाँका मागलाई चिकित्सा शिक्षा शिक्षा आयोगको बैठकमा लैजाने गरी तीन बुँदे सहमति भएको हो । उहाँ ५ दिनदेखि अनसनरत हुनुहुन्थ्यो । सरकारका तर्फबाट शिक्षा तथा खेलकुल मन्त्रालयका सहसचिव जयराम अधिकारी नेतृत्वको वार्ता टोली र हरिजन पक्षबीच सहमति भएको हो ।

सहमतिअनुसार एमबीबीएस, बीडीएसलगायत एकवर्षे इन्टर्नसिपमा स्वास्थ्य सेवाको आठौँ तहको प्रारम्भिक तलबमानको ५० प्रतिशत बराबर निर्वाह भत्ता उपलब्ध गराउने विषयमा चिकित्सा शिक्षा आयोगको बैठकमा पेस गरिनेछ ।

हरिजन गत साउनमा पनि अनसन बस्नुभएको थियो ।  सरकारले माग सम्बोधन गर्ने भन्दै साउन २२ गते उहाँसँग सम्झौता गरेको थियो ।

आफूसँग भएको सम्झौता सरकारले कार्यावन्यन नगरेको भन्दै हरिजनले पुनःअनसन सुरु गर्नुभएको थियो । उहाँ भक्तपुरस्थित चिकित्सा शिक्षा आयोगको परिसरबाट अनसन सुरु गर्नुभएको थियो। स्वास्थ्य अवस्था बिग्रिँदै गएपछि वीर अस्पताल पुर्‍याइएको थियो ।

यस्तो छ सहमतिपत्रः