आज विश्व श्रवण दिवस : जान्नुहोस् इतिहास, महत्व र श्रवण समस्याका कारण

जनस्वास्थ्य सरोकार, काठमाडौँ । आज मार्च ३ तारिख अर्थात् विश्व श्रवण दिवस । नेपालमा पनि विभिन्न कार्यक्रम गरि मनाइँदैछ । ‘जीवनभर सुन्नका लागि सुनाईको हेरचाह गरौँ’ भन्ने मुल नाराका विश्वभर जनचेतनामूलक कार्यक्रम आयोजना गरी मनाइँदै छ ।

अडियो उपकरणको असुरक्षित प्रयोग एवं ध्वनि प्रदूषणबारे विश्वभरका मानिसहरुलाई सचेत गराउने उदेश्यले यो दिवस मनाउने गरिन्छ ।

विश्व स्वास्थ्य संगठनले बढ्दो बहिरापनाको समस्याबाट जनतालाई सचेत गराउने उदेश्यले सन् २००७ मा ‘विश्व श्रवण दिवस’ मनाउने घोषणा गरेको थियो । सुरुमा ‘इन्टरनेशनल इयर केयर’ को नाममा मनाउने घोषणा गरेपनि सन् २०१६ देखि ‘विश्व श्रवण दिवस’ को रुपमा मनाउन थालिएको हो ।

सन् २०५० सम्ममा विश्वभर २ अर्ब बढी मानिसहरु बहिरोपनाको समस्याबाट पीडित हुन सक्ने स्वास्थ्य विज्ञहरुले बताएका छन् । ति मध्ये झण्डै ७० करोड मानिसलाई उपचारको आवश्यकता पर्ने उनीहरुको भनाई छ ।

डब्लुएचओले सन् २०२१ मा जारी गरेको एक प्रतिवेदनका अनुसार विश्वभर ३६ करोडभन्दा बढी मानिसहरु श्रवणशक्ति गुम्ने समस्याबाट पीडित छन् । त्यस्तै हरेक २० मध्ये १ जनालाई बहिरोपनासम्बन्धि समस्या छ ।

कम श्रवण शक्तिका लक्षणहरू

• अरूको कुरा नबुझेर बारम्बार कुरा दोर्होयाउन अनुरोध गर्नु
• टेलिफोनमा कुरा गर्न गाह्रो हुनु
• चराचुरुंगीको आवाज नसुन्नु
• कान कराउनु
• बोलेको सुन्नु तर नबुझनु
• अरूसँग कुरा गर्दा ठूलो स्वरले कुरा गर्नु
• धेरै हल्ला भएको ठाउँमा कुरा गर्न गाह्रो हुनु
• रेडियो सुन्दा, टेलिभिजन हेर्दा चर्को आवाज बनाउनु

श्रवन शक्ति कम हुन नदिने उपायहरु

• चर्को ध्वनि भएको क्षेत्रमा काम गर्दा कपास, इयर प्लग को प्रयोग गर्ने
• मोबाइल फोन धेरै र लामो समयसम्म प्रयोग नगर्ने
• हेडफोनबाट गीत सुन्दा चर्को आवाजमा सुन्ने
• जथाभावी सवारी साधनको हर्न नबजाउने
• ठुलो आवाज भएको ठाउँमा लामो समयसम्म नबस्ने
• नियमित व्यायाम गर्ने