डा. सन्तोष पौडेल राष्ट्रिय स्वास्थ्यकर्मी महासंघ नेपालको नयाँ अध्यक्ष चयन

नेपाल हेल्थ न्युज, काठमाडौं । राष्ट्रिय स्वास्थ्यकर्मी महासंघ नेपालले नयाँ नेतृत्व चयन गरेको छ। यसपटक डा. सन्तोष पौडेल सर्वसम्मत रूपमा अध्यक्षमा चयन हुनुभएको छ। उहाँ यसअघि महासंघको महासचिवको जिम्मेवारीमा समहाल्नुभएको थियो ।

सोमबार साँझ सम्पन्न अध्यक्ष मण्डलको बैठकले ९९ सदस्यीय नयाँ केन्द्रीय समिति बनाएको छ। समितिमा उपाध्यक्षको रूपमा अमृता बराल र रामहरि ढकाल चयन हुनुभएको छ।

महासचिवको जिम्मा भीमराज सिंहलाई दिइएको छ भने उपमहासचिवमा खगराज पोखरेल निर्विरोध निर्वाचित हुनुभएको छ। सचिव पदमा चन्द्र सुनार, रुपा केसी, हरेन्द्र यादव, र अनुप केसी चयन हुनुभएको छ। समितिका अन्य सदस्यहरू पनि सर्वसम्मत रूपमा चयन गरिएको जनाइएको छ।