पोर्नसाइट प्रयोगकर्ताको उमेर जाँच्दै बेलायत 

नेपाल हेल्थ न्युज, काठमाडौं । पोर्नोग्राफीको लत किशोर/किशोरी, युवामात्रै होइन सबै उमेर समूहमा बढ्दो छ । बेलायतमा करिब एक करोड ४० लाख व्यक्तिले अनलाइन पोर्नोग्राफी हेर्ने तथ्य हालै सार्वजनिक भएको छ । 

सानै उमेरमा बच्चाहरू यस्ता सामग्रीतर्फ आकर्षित हुने गरेका मिडिया नियामक निकाय ‘अफकम’ले जनाएको छ । हरेक १० जना बच्चामध्ये एकजनाले नौ वर्षको उमेरमा यस्ता सामग्री सहजै देख्ने बाल आयुक्तको सर्वेक्षणले बताएको छ । 

पोर्न साइटतर्फ धेरैको लत बढिरहेका बेला बेलायतले पोर्नोग्राफिक सामग्री भएका वेबसाइटको पहुँचमा जोडिने शैली परिवर्तन गर्ने भएको छ । अनलाइन सुरक्षा ऐनले १८ वर्ष मुनिका व्यक्तिलाई यस्ता सामग्री र साइट हेर्न गाह्रो बनाउनुपर्ने बताएको छ । उमेर प्रमाणीकिरण गरेर मात्रै पहुँच प्रदान गर्ने तयारी अघि बढाइएको छ । 

पोर्न साइट केन्द्रित वेबसाइटहरूले यही २५ जुलाईसम्ममा उमेर जाँच्ने अभ्यास कार्यान्वयन गर्ने प्रतिवद्धता जनाएका छन् । साइबर सुरक्षाविज्ञ चेल्सी जार्भी भन्छिन्– ‘समाजले अनलाइनमा सामूहिक पहिचानलाई सामान्यीकरण गर्नेबारेमा सतर्क रहनु आवश्यक छ ।’ वेबसाइटले प्रयोगकर्ताको उमेर प्रमाणित गर्न धेरै तरिकाहरू छनौट गर्न सक्छन् । अफकमले यसका लागि सातवटा विधि सिफारिस गरेको छ । 

पोर्नसाइट प्रयोगकर्ताबारे तथ्य जाँच्न सुझाइएका डिजिटल पहिचान विधिहरू ।

•     क्रेडिट कार्डमार्फत उमेर जाँच
•     डिजिटल पहिचान सेवाहरू
•     इमेलमा आधारित उमेर अनुमान
•     अनुहारको उमेर अनुमान
•     मोबाइल नेटवर्कमार्फत उमेर जाँच
•     खुला बैंकिङ
•     फोटो आईडी मिलान

स्रोतः बीबीसी