तिलगंगा आँखा प्रतिष्ठानमा अब विद्यार्थी र जागिरेका लागि बेलुकी सेवा

नेपाल हेल्थ न्युज, काठमाडौं ।  तिलगंगा आँखा प्रतिष्ठानले अब विद्यार्थी र जागिरेका लागि साँझपख आँखा जाँच सेवा उपलब्ध गराउने भएको छ। अस्पतालका अनुसार, दिनको समयमा समय मिलाउन नसक्ने समूहलाई लक्षित गर्दै, बेलुकी पाँचदेखि सात बजेसम्म बहिरंग सेवाको व्यवस्था गरिएको छ।

अस्पतालका प्रवन्धक कृष्ण गोपाल श्रैष्ठले जानकारी दिए अनुसार, बेलुकीको सेवा बिहान र दिउँसोको सेवाभन्दा केही महँगो हुनेछ। बिहानी सेवामा शुल्क ३ सय रुपैयाँ, दिउँसोको सेवामा ५ सय रुपैयाँ र साँझको सेवामा १ हजार रुपैयाँ लाग्नेछ।