डा. विश्वबन्धु बगालेलाई भरतपुर अस्पतालको प्रमुख मेडिकल सुपरिटेण्डेन्ट पदमा नियुक्त

नेपाल हेल्थ न्युज, काठमाडौं । सरकारले डा. विश्वबन्धु बगालेलाई भरतपुर अस्पतालको प्रमुख मेडिकल सुपरिटेन्डेन्ट  पदमा नियुक्त गर्ने निर्णय गरेको छ।

डा. बगाले स्वास्थ्य तथा जनसंख्या मन्त्रालयमा काम गर्नु भएको थियो र त्यसअघि गण्डकी प्रदेशको स्वास्थ्य सचिवको रुपमा सेवा पुर्‍याइसक्नुभएको थियो।

स्वास्थ्य मन्त्री निशा मेहताले मन्त्रीस्तरीय निर्णयमार्फत डा. बगालेलाई भरतपुर अस्पताल पठाउने निर्णय गरेकी हुन्। मन्त्रालयका स्रोतका अनुसार, यो पद एघारौँ तहको हो।

यसअघि दशौँ तहका डा. कृष्णप्रसाद पौडेलले निमित्त मेसुको रूपमा काम गरिरहनु भएको थियो। नयाँ नियुक्तिको क्रममा डा. बगाले उक्त व्यवस्थापन जिम्मेवारी सम्हाल्नेछन् भने पुराना दशौँ तहका चिकित्सकहरू आफ्नो दरबन्दीमा कार्यरत रहनेछन्।