नेभिगेशन

दशौँ तहका दुई वरिष्ठ अधिकृतको सरुवा, को कहाँ सरुवा भयो?

सन्तोष केसी औषधि व्यवस्था विभागमा र संगीता शाह वनस्पति विभागमा

नेपाल हेल्थ न्युज, काठमाडौं। स्वास्थ्य तथा खाद्य स्वच्छता मन्त्रालयले फार्मेसी उपसमूहअन्तर्गत दशौँ तहका दुई वरिष्ठ अधिकृतको सरुवा तथा जिम्मेवारी हेरफेर गरेको छ।

मन्त्रालय स्रोतका अनुसार वनस्पति विभागमा कार्यरत वरिष्ठ वैज्ञानिक अधिकृत सन्तोष केसीलाई औषधि व्यवस्था विभागमा सरुवा गरिएको छ। त्यसैगरी, औषधि व्यवस्था विभागअन्तर्गत वीरगन्ज शाखामा कार्यरत वरिष्ठ औषधि व्यवस्थापक संगीता शाहलाई वनस्पति विभागमा सरुवा गरिएको छ।

मन्त्रालयको निर्णयसँगै औषधि व्यवस्था विभाग र वनस्पति विभागको जनशक्ति व्यवस्थापनमा परिवर्तन भएको छ। फार्मेसी उपसमूहअन्तर्गतका दुवै दशौँ तहका अधिकृतलाई एकअर्काको विभागमा जिम्मेवारी दिइएको हो।

केसी यसअघि वनस्पति विभागमा वरिष्ठ वैज्ञानिक अधिकृतका रूपमा कार्यरत हुनुहुन्थ्यो भने शाह औषधि व्यवस्था विभागको वीरगन्ज शाखामा वरिष्ठ औषधि व्यवस्थापकका रूपमा कार्यरत हुनुहुन्थ्यो।

मन्त्रालयले प्रशासनिक तथा जनशक्ति व्यवस्थापनको सिलसिलामा दुवै अधिकृतको जिम्मेवारी हेरफेर गरेको जनाएको छ।

प्रकाशित मिति:
प्रतिक्रिया दिनुहोस्
थप हेल्थ अपडेट